مآلات الصراع

.مآلات الصراع....والنزاعات بين الاشخاص او الكيانات او الامم (تاني مرة عشان البيه....بيفهم على مهله)

خناقة وكل واحد متمسك ان له حقوق ومفيش عليه اخطاء...وان الطرف الاخر معتدي او مغتصب او مخطئ.

كل صراع وليه حل..حتى الصراعات الحقيقية اللي هي صراع حياة او موت ليها طرق في التعامل اولها اطفاء الصراع وعدم التصعيد واستخدام اليات للتهدئة والتقاط الانفاس من اجل التفكير الهادي وتداول الافكار...وعموما اغلب الصراعات وهمية اصلا واللي ليحولها لصراع حياة او موت...هو تضخم الانا....النرجسية المضطربة ..(واخدين الامور على كرامتهم بزيادة)

وتضخم الانا مش بيخلي بس الاطراف انها تشوف الصراعات حياة او موت ده كمان بيأثر على مقاربتهم للحلول..فهتلاقيهم معاندين متطرفبن غير مراعين للاخر وغير مهتمين الا بمكاسبهم فقط بغض النظر عن اي شىء

الشكل ده بيوضح خمس مآلات. او احتمالات هينتهي اليها الصراع والنزاع والخصومة....

3 سيئين  و2 كويسين....من منظور العلاقة

و3 كويسين و2 سيئين من منظور كل طرف.

النتيجة بالشكل ده بتعتمد على عاملين مهمين ملخصهم....(ان يريدا اصلاحا)

الاول...توكيد الذات assertiveness (التنافس..الفوز...العناد) ..الرغبة في تحقيق مصالحي بشكل يرضيني والحصول على كامل حقوقي او ما اظن انها حقوقي وعدم التنازل عن شى او الاعتراف بخطأ او حق للآخر....شروطي تتنفذ كاملة بلا نقصان...وطبعا دي افضل امنية لأي شخص.
والثاني...التعاون cooperation (المرونة رضاء جميع الاطراف )  مع الاخر ومساعدته في تحقيق مصالحه وحقوقه بالشكل الذي يرضيه...بدون انانية مني ورغبة في الاستحواذ والسبطرة والتحكم او اهانة الطرف الاخر.

وسواء كانت الرغبة في التعاون مع الاخر من مبدأ براجماتي بحت ان مصالحي مش هتتحقق الا لو الاخر حقق مصالحه او نتيجه مشاعر ايجابيه تجاه الاخر.

وحود العاملين معا ضرورة..والا  كل طرف هيفتكر ان التعاون والتنازل والتضحية وحفظ ماء وجهة الاخر  هيخليه يتهرس قدام الاخر فبالتالي بيلجأ للتشدد والعناد والمكابرة وعدم التنازل.

اول نتيجة هي (الاتنين مش متعاونين وفي نفس الوقت مبيحاولوش يحصلوا على حقوقهم)...تجنب الصراع...كل واحد شايل في قلبه وساكت وتوتر وصراع مكتوم بدون حل ...محدش في النتيجة دي بيحصل على اللي هو عايزه....وده نتيجة ان كل واحد مش مهتم بحصول الاخر على ما يريد وهو كمان مش مهتم انه هو يحصل على ما يريد.

التاني ....طرف  في هذه الحالة مهتم جدا بحقوق الاخر وحصوله عليها وغير مهتم بحقوقه....اللي بيسموها تضحية...وفي الحالة دي انتهي الصراع لفوز طرف وسحق طرف اخر.

التالت لو كان الطرفين معاندين دون اهتمام بالاخر  وعايز حقوقه بس فهيستمر الصراع والخصومة..

الرابع ان الطرفين يمتلكون الرغبة القوية في تحقيق مصالحهم مع رغبة قوية في التعاون لنحقيق مصالح الاخر ...سيصلوا في النهاية الى الطريقة اللي بحققوا بيها ده وده افضل الحلول للاتنين وللعلاقة.

الخامس....ان الطرفين معندهمش نفس القوة زي السابق...فكل واحد يقدم تنازل في ناحية وياخد حتة من حقوقه في ناخية ويتقابلوا في منتصف الطريق.. ...لا راضين تماما ولا خسرانين تماما (وده تاني افضل حل)..