يوجد تقسيمات كتير للمحطات دي بتختصرها او بتفصلها...هنا هنتكلم عن 9. محطات باختصار
كل العلاقات هتمر بالمحطات دي ايا كانت بدايتها..وكل محطة فيها مشكلتها الي ممكن تأثر على العلاقة وتنهيها.وناس تنزل...او بيكملوا
اجتياز المحطة بنجاح بيضمن استقرارها وسعادتها..
المحطات دي شبه محطات الحياة تقريبا...محطات نمو..
المحطة الاولى...محطة الافتتان..
الاتنين مبهورين ببعض منجذبين بشدة...عيونهم بتلمع وبالهم مشغول..فرحة عميقة..وشعور ملتهب...المحطة اللي كل كلام الحب وكلمات الاغاني والشعر بتتكلم عنها..اللي تقريبا كل تصوراتنا عن الحب واحواله بتدور حوالين المرحلة دي
المحطة التانية...مرحلة التفهم...والتعرف
الاتنين بيتكلموا بالساعات بيخرجوا باستمرار. مهتمين ببعض عايزين يعرفوا بعض..بيحبوا ايه بيكرهوا ايه .ماضيهم طموحاتهم...مستقبلهم..اسرارهم..افكارهم..الخ
المحطة التالتة..مرحلة اول زعل واختلاف
اول خناقة...غالبا بتمر بسرعة والناس بتراضي بعض
لسه الرومانسية موجودة
المحطة الرابعة...تكوين الاراء
كل واحد كون فكرة كويسة عن التاني..فهمه عرف اوله واخره..عرف هو هيقدم ايه ومش هيقدم ايه..وهيتصرف ازاي في المواقف المختلفة
والاهم...كل واحد بيفهم مدى التزام الاخر بالعلاقة...هيكمل ولا هيبعد....هيكمل بكل كيانه ولا نص نص
التوقعات دي ليها دور في الرضا والسعادة والتعاسة...لو مش متوقع انه هيجيب ورد..بس جاب ورد في مرة. هتتبسط بشكل غريب
لو متوقع انه هيودعك وانت مسافر ومودعكش لاي سبب هتحس بالتعاسة
المحطة الخامسة
مرحلة محاولة التشكيل
كل طرف عنده تصور وتوقعات عن الشريك المثالي تصرفاته وسلوكياته وغيرها..وعنده تصورات عن المفروض العلاقة تبقى ايه وتمشي ازاي وتصورات عن دوره ومسىولياته وحقوقه ودور ومسئوليات وحقوق الاخر..وعن مكانه في العلاقة ريس ولا تابع ولا متساوي
كل طرف عايز يشكل الاخر على الصورة دي وبيحاول يقنعه انه يتغير....الهدف تشكيل الاخر على الصورة اللي في دماغه...على مزاجه
المرحلة دي مليانه شد وجذب وخد وهات..معركة سيطرة وصراع للقوة...وهنا سمات الشخصية بتظهر بشكل واضح..بتضهر في المرونة والتفاوض والوصول لحلول وسط. والتخلي عن غير الواقعي وغير المعقول وخلافه
او العناد والتصلب والتحكم وفرض الراي والتلاعب والتهديد الخ
وبيعتمد الحل على قيمة الحميمية والشخص الاخر ...وقيمة العلاقة ممل
المرحلة دي حرجة لانها مرحلة المشاكل الكبيره
والكرامات المجروحة والتوقعات الضائعة الخ
وحرجة ..ببساطة لان عدم اجتيازها بسلام معناه استمرار التوتر والصراع وعدم الاستقرار وانهيار العلاقة لان الاتنين مصرين معاندين...في حرب شاملة
او بتمر بسلام بطرق كتير
خضوع طرف للاخر
قدرة اخر على السيطرة
ودي ممكن تبقى حل جيد لو حد من سماته الشخصية تقبل بالخضوع للاخر وحابب ده
او تبقى صراع مؤجل..وحالة قاسية على من اجبر على خضوع لا يرغبه
والحل الكويس..الحلول الوسط..التنصيص.تقاسم السلطة...وبرغم ان محدش راضي بشكل كامل برضز محدش زعلان بشكل كامل..بس في امكانية لنشوء الصراع من تاني
والحل الافضل...المشاركة..وكان الاتنين معاهم كامل السلطة وكامل الحقوق والواجبات
المحطة السادسة
مرحلة السعادة والاستقرار والحب الواقعي والحقيقي
خلاص فهمنا بعض وانسجمنا وعرفنا حدودنا...بتظهر السلاسة والتواصل والارتباط العميق.. مرحلة الانجازات على كل المستويات والتقدم
المحطة السابعة محطة الشكوك
ازمة منتصف العمر للعلاقة...ومراجعتها وتقييما وايه اللي حققته ..والحنين للضاىع..والحنين لحالة الافتتان
السعادة تيار هادى ومستقر ومستمر والافتتنان حالة عنيفة وحادة وملتهبة وشعور عميق...
دي مرحلة النزوات والتهور
او محاولة بث حياة جديدة واثارة للمنزل. واحياء الافتتان والشغف
وطريقة التعامل برضو بتعتمد على سمات الشخصية..ومستوى السعادة في العلاقة
المحطة الثامنة
مرحلة الفضول الجنسي..والرغبة في تجربة حاجات جديدة....نتيجة التعود والملل او تغير مستوى الرغبة الجنسية
مرحلة برضو الخيانات الزوجية
المرحلة التاسعة
مرحلة الثقة العمياء والكاملة
خلاص الاتنين ربطوا مصيرهم ببعض واعتبروا بعض مضمونين للنهاية ومش هيسيبوا بعض ابدا
مرحلة السند بجد والاعتماد بجد ةالامان بجد..
بس للاسف احيانا بدل محاولة الاستمتاع...الناس بتتعامل بطريقة معو نوجود هيروح فين فتهمل العناية بالاخر
المراحل دي ممكن تحصل في مدار شهور...او تمتد لسنوات طويلة
تعليقات
إرسال تعليق