الأطفال مخلوقات بريئة نقية وطاهرة...وعاجزة…
حظهم انهم تحت رعاية الكبار...واي تشوهات في الكبار هتنعكس عليهم...عدم حب الكبار ليهم...اهمالهم...ابتعادهم ...غيابهم...إهانتهم….
أسوأ أنواع التعذيب البشري اللي ممكن يتعرض ليه اكثر البشر براءة وطهارة وعجزا….واقسى كمان ببساطة لانها مش بس سلب كافة حقوقهم لا وكمان نقيض المفروض يتعمل ليهم..يعني بالسالب..
افضل وانفع شئ للاطفال وجود الوالدين المحبين المهتمين المراعين المستجيبين….وأسوأ شئ واكثر ضرر ممكن يتعرضوا له في حياتهم كلاه وجود والدين مشوهين أو مؤذيين
الاطفال ..بني ادمين صغيرين..وليهم كيان مستقل...مش موجودين لأشباع احتياجاتنا العاطفية والنفسية...ولا احتياجاتنا المنحرفة من نرجسية أو تحكم وسيطرة…
ببساطة الأطفال معليهومش واجبات تجاهنا..ليهم حقوق وفقط...حقوق لازم ياخدوها...حتى موضوع النظام والمسئولية اللي بنعلمهالهم...مش عشان حقنا ولا بتاع..لا عشان ده حقهم انهم يتعلموا مننا ازاي يتحملوا المسئولية وازاي يكون ليهم استقلالهم
تعليمنا ليهم انهم يحترمونا أو حتى يسمعوا كلامنا..او يعبروا عن حبهم لينا....فقط علشان يتعلموا الادوار المجتمعية مش علشان حقنا عليهم كدة
الاطفال مش كتاكيت كل حقهم علينا الاكل والشرب والمسكن والحماية والتعليم
حقهم اكبر واكبر واكبر
احنا اللي بنشكل لهم شخصيتهم اللي هيتعاملوا بيها مع الناس وفي المستقبل وفي العمل
احنا اللي بنشكل لهم علاقاتهم المستقبلية مع شركاء حياتهم وأولادهم والناس واحنا بالشكل ده مسئولين عن استقرارهم وسعادتهم
احنا بنشكل لهم رؤيتهم للدنيا والحياة..يشوفوها بعين الواثق والمطمىن والمتفاؤل والطيب والمرن والمتسامح ولا بعيون المتشكك الخايف المتشائم الخبيث المتصلب الحاقد
احتياجات الأبناء العاطفية الاهم لسلامتهم العقلية
1..احتياجهم للامان والاطمئنان..باننا ننتبه ليهم واحتياجاتهم وتشبعها باستمرار و نطبطب عليهم ..علشان يقر في وجدانهم اننا سندهم وملجأهم واننا ضهرهم وحمايتهم...واننا موجودين باستمرار علشانهم ومش هنتخلى عنهم وهنكون باستمرار داعمين ليهم ..وهنقبلهم ونحبهم مهما حصل ومهما كانوا..
المخاوف اللي الكتير بيتكلموا عليها والمشاكل الناتجة عنها في العلاقات والعمل والحياة سبب كبير ليها النقطة دي...الخوف من الحميمية الخوف من الارتباط الهوس بالسيطرة التجنب الشك وعدم الثقة بالناس عدم القدرة على الاعتماد على الاخرين النرجسية الخوف من الهجر وغيرها أصلها وجذورها هنا
2..اننا نحبهم حب غير مشروط...حب لذاتهم مش لانجازاتهم ولا لادبهم ولا لسلوكهم...واننا منسحبش الحب ده مهما كانت الظروف ومهما عملوا...حتى ولو أخطأوا ....لازم نأكد لهم اننا بنحبهم...ولو اتكلمنا على الغلط نتكلم على السلوك…
انهم يكبروا بيحبوا نفسهم بشكل صحيح...وانهم يحسوا انهم مقبولين ومحبوبين من الاخرين..وانهم جديرين بده وقيمتهم عالية...الثقة بالنفس المتوازنة والرغبة في الصداقة والحب والقدرة على العطاء والانطلاق والاجتهاد. جذورهم هنا
والمقابل كراهية النفس وقلة الثقة والإحساس بالدونية والحرمان والتجنب والاكتئاب والقلق والخوف والجبن والبخل والطمع والنهب جذورهم هنا
3..تشجيعهم وبناء شخصيتهم واحساسهم بنفسهم وقيمتهم كمان بيعتمد على التشجيع والدعم ووضع أهداف واقعية للأطفال يمكنهم تحقيقها وتعويدهم على الاستقلالية واتخاذ القرار….قيمتهم في عيونهم مستمدة من داخلهم...ا..وقيمتهم في عيون الآخرين واقعية بتعتمد على إنجازات مش اوهام بالفوقية والاستعلاء والتكبر والغرور
دول اهم اهم اهم اهم اهم اهم اهم من هنا ليوم القيامة ..حاجات تعملها لاطفالك...وكلهم بيعتمدوا على شخصيتك وطريقتك في التربية وفقط
4..يليهم..الاحتياج لتجهيزهم للمجتمع..وضع نظام وطريقة تربية تعلمهم فيها مهارات التعامل مع الآخرين..تحمل المسؤولية والواجبات..التحكم في النفس والسلوك والانفعالات..مهارة الأخذ والعطاء والتعاون…
ان الناس مش كاملين..اننا ممكن نغلط...اننا لما نغلط نعتذر...اننا نغفر للاخرين ونسامحهم ..حدودهم وحدود غيرهم وما يخصهم وما يخص غيرهم..والتعاون والاحترام وحل المشاكل
5..من حقهم يلعبوا ويستمتعوا وان يكون ليهم خاص باللعب واصدقاء وان كل حاجة جوهرها المتعة الرياضة الدراسة وغيرها...انهم مش يبذلوا احسن ما عندهم يكون لها الأولوية...انهم يستمتعوا باللي بيعملوه لها الاولوية
اللعب فضلا عن انه مصدر بهجة..كمان بيعلمهم مهارات العمل والتعامل مع الآخرين ..الاستمتاع بالعمل مش تأدية واجب….التعاون مع الاصدقاء..ازاي يصاحب الناس ويكمل معاهم ويحافظ عليهم..ازاي يكتشف نقاط ضعفه وقوته..ازاي يحط حدود وميتعداش الحدود..ازاي يعتذر..ازاي يغفر...ازاي يعمل هات وخد..ازاي يهادي من غير ما ينتظر شى..ازاي يستأذن..ازاي يشكر...ازاي يحترم الاخر...الخ
باختصار...كونوا اباء وامهات جيدين بقدر الامكان...عادي لو قصرتم شوية..او غلطتم حتى..الاطفال هيعرفوا ده...وهيعرفوا انكم بتبذلوا وسعكم...ومفيد كمان لرؤيتهم للعالم...انهم يعرفوا اننا بشر بنغلط وبنقصر..المهم نكون محبين وبنحاول
حظهم انهم تحت رعاية الكبار...واي تشوهات في الكبار هتنعكس عليهم...عدم حب الكبار ليهم...اهمالهم...ابتعادهم ...غيابهم...إهانتهم….
أسوأ أنواع التعذيب البشري اللي ممكن يتعرض ليه اكثر البشر براءة وطهارة وعجزا….واقسى كمان ببساطة لانها مش بس سلب كافة حقوقهم لا وكمان نقيض المفروض يتعمل ليهم..يعني بالسالب..
افضل وانفع شئ للاطفال وجود الوالدين المحبين المهتمين المراعين المستجيبين….وأسوأ شئ واكثر ضرر ممكن يتعرضوا له في حياتهم كلاه وجود والدين مشوهين أو مؤذيين
الاطفال ..بني ادمين صغيرين..وليهم كيان مستقل...مش موجودين لأشباع احتياجاتنا العاطفية والنفسية...ولا احتياجاتنا المنحرفة من نرجسية أو تحكم وسيطرة…
ببساطة الأطفال معليهومش واجبات تجاهنا..ليهم حقوق وفقط...حقوق لازم ياخدوها...حتى موضوع النظام والمسئولية اللي بنعلمهالهم...مش عشان حقنا ولا بتاع..لا عشان ده حقهم انهم يتعلموا مننا ازاي يتحملوا المسئولية وازاي يكون ليهم استقلالهم
تعليمنا ليهم انهم يحترمونا أو حتى يسمعوا كلامنا..او يعبروا عن حبهم لينا....فقط علشان يتعلموا الادوار المجتمعية مش علشان حقنا عليهم كدة
الاطفال مش كتاكيت كل حقهم علينا الاكل والشرب والمسكن والحماية والتعليم
حقهم اكبر واكبر واكبر
احنا اللي بنشكل لهم شخصيتهم اللي هيتعاملوا بيها مع الناس وفي المستقبل وفي العمل
احنا اللي بنشكل لهم علاقاتهم المستقبلية مع شركاء حياتهم وأولادهم والناس واحنا بالشكل ده مسئولين عن استقرارهم وسعادتهم
احنا بنشكل لهم رؤيتهم للدنيا والحياة..يشوفوها بعين الواثق والمطمىن والمتفاؤل والطيب والمرن والمتسامح ولا بعيون المتشكك الخايف المتشائم الخبيث المتصلب الحاقد
احتياجات الأبناء العاطفية الاهم لسلامتهم العقلية
1..احتياجهم للامان والاطمئنان..باننا ننتبه ليهم واحتياجاتهم وتشبعها باستمرار و نطبطب عليهم ..علشان يقر في وجدانهم اننا سندهم وملجأهم واننا ضهرهم وحمايتهم...واننا موجودين باستمرار علشانهم ومش هنتخلى عنهم وهنكون باستمرار داعمين ليهم ..وهنقبلهم ونحبهم مهما حصل ومهما كانوا..
المخاوف اللي الكتير بيتكلموا عليها والمشاكل الناتجة عنها في العلاقات والعمل والحياة سبب كبير ليها النقطة دي...الخوف من الحميمية الخوف من الارتباط الهوس بالسيطرة التجنب الشك وعدم الثقة بالناس عدم القدرة على الاعتماد على الاخرين النرجسية الخوف من الهجر وغيرها أصلها وجذورها هنا
2..اننا نحبهم حب غير مشروط...حب لذاتهم مش لانجازاتهم ولا لادبهم ولا لسلوكهم...واننا منسحبش الحب ده مهما كانت الظروف ومهما عملوا...حتى ولو أخطأوا ....لازم نأكد لهم اننا بنحبهم...ولو اتكلمنا على الغلط نتكلم على السلوك…
انهم يكبروا بيحبوا نفسهم بشكل صحيح...وانهم يحسوا انهم مقبولين ومحبوبين من الاخرين..وانهم جديرين بده وقيمتهم عالية...الثقة بالنفس المتوازنة والرغبة في الصداقة والحب والقدرة على العطاء والانطلاق والاجتهاد. جذورهم هنا
والمقابل كراهية النفس وقلة الثقة والإحساس بالدونية والحرمان والتجنب والاكتئاب والقلق والخوف والجبن والبخل والطمع والنهب جذورهم هنا
3..تشجيعهم وبناء شخصيتهم واحساسهم بنفسهم وقيمتهم كمان بيعتمد على التشجيع والدعم ووضع أهداف واقعية للأطفال يمكنهم تحقيقها وتعويدهم على الاستقلالية واتخاذ القرار….قيمتهم في عيونهم مستمدة من داخلهم...ا..وقيمتهم في عيون الآخرين واقعية بتعتمد على إنجازات مش اوهام بالفوقية والاستعلاء والتكبر والغرور
دول اهم اهم اهم اهم اهم اهم اهم من هنا ليوم القيامة ..حاجات تعملها لاطفالك...وكلهم بيعتمدوا على شخصيتك وطريقتك في التربية وفقط
4..يليهم..الاحتياج لتجهيزهم للمجتمع..وضع نظام وطريقة تربية تعلمهم فيها مهارات التعامل مع الآخرين..تحمل المسؤولية والواجبات..التحكم في النفس والسلوك والانفعالات..مهارة الأخذ والعطاء والتعاون…
ان الناس مش كاملين..اننا ممكن نغلط...اننا لما نغلط نعتذر...اننا نغفر للاخرين ونسامحهم ..حدودهم وحدود غيرهم وما يخصهم وما يخص غيرهم..والتعاون والاحترام وحل المشاكل
5..من حقهم يلعبوا ويستمتعوا وان يكون ليهم خاص باللعب واصدقاء وان كل حاجة جوهرها المتعة الرياضة الدراسة وغيرها...انهم مش يبذلوا احسن ما عندهم يكون لها الأولوية...انهم يستمتعوا باللي بيعملوه لها الاولوية
اللعب فضلا عن انه مصدر بهجة..كمان بيعلمهم مهارات العمل والتعامل مع الآخرين ..الاستمتاع بالعمل مش تأدية واجب….التعاون مع الاصدقاء..ازاي يصاحب الناس ويكمل معاهم ويحافظ عليهم..ازاي يكتشف نقاط ضعفه وقوته..ازاي يحط حدود وميتعداش الحدود..ازاي يعتذر..ازاي يغفر...ازاي يعمل هات وخد..ازاي يهادي من غير ما ينتظر شى..ازاي يستأذن..ازاي يشكر...ازاي يحترم الاخر...الخ
باختصار...كونوا اباء وامهات جيدين بقدر الامكان...عادي لو قصرتم شوية..او غلطتم حتى..الاطفال هيعرفوا ده...وهيعرفوا انكم بتبذلوا وسعكم...ومفيد كمان لرؤيتهم للعالم...انهم يعرفوا اننا بشر بنغلط وبنقصر..المهم نكون محبين وبنحاول
تعليقات
إرسال تعليق