من أين تأتي أزمة الثقة

الصورة دي بتتكلم عن السلوك الاجتماعي النهائي...اللي احنا بنشوفه....السلوك مش عشوائي ولكن خلفه نية ما او هدف ما هو اللي انتجه...كتير منا بيقف عند انتقاد السلوك عند النية...نيته حلوة او حشة   او السم في العسل وغالبا بلا دليل على كلامه ...ودي طريقة تكشف المنتقد اكثر ما تكشف صاحب السلوك....

خلف نية الفعل هناك عوامل عديدة بتأثر فيها سواء بتخلق نية الفعل او نية عدم الفعل...اختصارا كما في الرسم التوضيحي
-موقف الشخص من التصرف والسلوك ...بيحبه او يكرهه يفضله او يقبله وهكذا
-القيم العامة والاعراف المجتمعية اللي احنا عايشين وسطها بتتقبل السلوك ده ولا بترفضه

مجموع الاتنين دول ..هو اللي بيخلق نية الفرد في فعل شئ او عدم فعله..وده العامل التالت...مثلا افضل سلوك معين ولكن المجتمع سيرفضه... او اكره شئ معين ولكن القيم المجتمعية تشجع عليه....حساباتي وتقييمي للمكسب والخسارة لمجموع الاتنين  بيتحكم في النية للفعل او عدمه
خلف تفضيلاتي وتوجهاتي ميراث كبير من الخبرات السابقة

وايضا تقييمي  للعرف  او قوانين المجتمع ...خلفها قناعتي ومعرفتي باللي المجتمع قرره مما يجب او لا يجب فعله وهي قوانين غير مكتوبة محتاجة معرفة بطبيعة المجتمع وآلياته وحتى مكافآته وعقوباته.

دي كمان مش كفاية...كمان محتاج اعترافي  بسلطة المجتمع واحتياجي اني اكون متوافق معاه .واني ابقى خايف من عقوباته. والا فان عدم اعترافي بهذه السلطة او قدرتي على الهروب او مواجهة عقوباتها يجعل تأثيرها غير موجود (سواء عدم الاعتراف او الهروب على مستوى نفسي او فيزيائي..سواء حقيقي او متوهم ) وستظل تفضيلاتي الشخصية هي الفيصل في خلق نية الفعل

يقعل خلف دول أيضا عوامل اخرى بتأثر في كل ما سبق
-السن..الجنس...الوظيفة...الوضع الاجتماعي والمالي...الدين...مستوى التعليم

-منظومة التوجهات العامة او تقدر تسميها الايدلوجية او منظومة القيم....واللي بتشكل مرجعية للتوجهات الفرعية تجاه الاشياء والاشخاص والمؤسسات

-السمات الشخصية
كونك انبساطي هتختلف عن كونك انطوائي
مستوى الثبات الانفعالي او النضج الانفعالي
مستوى التسلطية
مستوى الثقة والاعتداد بالتفس والسيطرى
وغيرها

كل نية للفعل او عدم الفعل هي المنتج النهائي لحاصل ضرب كل دول في بعض

اضف عليهم لمزيد من التعقيد....طبيعة الموقف الاجتماعي اللي بيحصل فيه السلوك
ونعقدها اكتر...طبيعة الاخرين الفاعلين في الموقف الاجتماعي

النية اتوجدت خلاص...سواء انا هاعمل تصرف معين ايه اللي يخليني انفذ النية واضعها موضع العمل والتنفيذ؟

عاملان اخران مهم

1..العائد من السلوك...هيفيدني ولا هيضرني (نفسيا او ماديا...حقيقي او متخيل)
  2..هل انا اقدر اعمل السلوك ده (سواء تقييمي حقيقي او متخيل)...هل عندي المهارات والامكانيات اللي تخليني اقوم بالسلوك ولا لأ...هل موضوع النية موجود ولا لأ او ممكن الوصول له ولا لأ..

عدم وجود القدرة...بيلغي السلوك بشكل كبير...ايضا عدم اتاحة موضوع السلوك هيلغي السلوك بشكل اتوماتيكي

بمعرفة التفصيلات دي ممكن تقدر تتوقع السلوك الاجتماعي للشخص اللي ممكن يحصل. في مواقف معينة لو قدرت تعرف العوامل دي في الشخص المستهدف توقع سلوكه

لكن الاهم هو تحليل سلوكنا احنا الاجتماعي...احنا ليه  اتصرفنا كدة