الحب والقرب في مقابل الحرية والاستقلالية

..

To get along
To get respect

الحاجة الى الحب والرفقة....الحميمية والارتباط
والحاجة الى الاعتراف والتقدير....الاستقلالية والحرية

زوجتي مدير عام (برغم بعض المبالغات)....مثال ازاي تبقى مدير وتحصل على الاحترام....وازي تبقى في علاقة حميمية...وبرغم الفكرة الكاركاتورية. انها ريس لزوجها في الشغل وزوجها بيمارس عليها مريسته في البيت ..لو تجاوزنا عن ده..شادية بينت امتى تبقى قوية ومستقلة وامتي تبقى في علاقة حميمية

 .الاحتياجين دول على طرفي نقيض ...يعني مينفعش اشباعهم بنسبة مئة بالمئة في نفس الوقت...لو عايز واحدة هتتخلى عن التانية تلقائيا.....وغالبا الافراد بتميل لتوجه على حساب الاخر...

الحب والرفقة بيتطلب الانطلاق من النفس والرحيل الى الاخر.... اقتراب من الاخر وتعاون معه وتنازل عن بعض ذواتنا وحريتنا....اننا نتنازل عن خرفشتنا وغباوتنا وانانييتنا وجلافتنا وتوكيدنا لنفسنا....بالتخلي عن استقلاليتنا وفرديتنا ...ان نعتمد على اخر . ..علشان نبقى محبوبين ويقبلونا معاهم

والتاني يحتاج توكيد وفردية واستقلال وانانية وابتعاد وعدم تعاون وقسوة وخرفشة وتوجيه واوامر وتسيد ونقد...وعدم تضحية..وعدم تنازل..ووضع مسافات وحواجز......ودي كلها بتزق الناس بعيد عننا

المبالغة في واحدة على حساب واحدة مشكلة....انت ممكن تبالغ انك تكون محبوب بشدة ومن الكل  فتنزع من نفسك كل ما يؤدي للنفور...هتسلم اسلحتك ودروعك كلها وهتتنازل عنها....وده ممكن ينفع .. بس في نفس الوقت هتلاقي احتياجك للاستقلال والتوكيد لسه مشبعش جوعان بشدة...وده هينغص حياتك...او يمكن تحتاج فرديتك في وقت ازمة ومتلاقيهاش

والعكس الرغبة في التوكيد المبالغ فيه والاستقلالية والشخصية المعتبرة والاحترام اللائق هيحليك تسن سلاحك وتزود دروعك وتبقى متحفز....ولو نجحت هتهيج عليك في يوم تنين الحاجة للحب وهياكلك..ومش هتلاقي حد جنبك

ومينفعش تعامل السكرتيرة بتاعتك بمياصة الا لو عايز تتشاقى...ومينفعش تتعامل في البيت كمدير....وانتي كمان

وازن بين الاتنين....واعرف امتى وفين وازاي تهتم بفرديتك وحريتك....وامتى وفين وازاي تهتم بالقرب والحميمية

 .