أزمة منتصف العمر (5)

دي قائمة لحاجات ممكن تحصل اثناء ازمة منتصف العمر

1..تبص للمرايا وتقول مين ده
2..عايز استقيل
3..بقيت متضايق من المهام اللي كنت بتحبها
4..ممكن تغير دينك ومذهبك و ايديولوجيتك و أفكارك أو بتفكر
5..تغير في العادات..الحاجات اللي كانت بتبسطك بقت مملة ...مش مهتم باللي كنت مهتم به ولا مركز
6..نفسك تموت
7..عايز تطفش من كل حاجة و تهج من الدنيا...عايز تعيش في جزيرة او كوخ
8..عايز تظبط جسمك..رياضة او عمليات تجميل وتخسيس
9.عصبية وغضب غير مبرر
10..حساس بزياده
11..عايز حرية جسدية...تجري ..تركب عجل ترقص..عربيات رياضية. موتوسيكلات حاجات جديدة
12..بيتغير ذوق الموسيقى وبتحب انواع تانية
13 رغبة مفاجئة انك تلعب مزيكا
14..رغبة مفاجئة لتعلم الرسم.. للكتابة
15...تغير نمط النوم ..بيقل
16..التفكير في الموت وطبيعته
17..تبدا تاخد فيتامينات وتحافظ على صحتك
18..تغيير شديد في نمط أكلك..بتدور على اكل صحي
19..تشتري ملابس جديدة و تهتم بمظهرك اكثر
20..تغيير في تسريحة شعرك...صبغة وخلافه
21. بتشترى حاجات جديدة ومختلفة
22..بتخرج مع ناس جديدة وغالبا اصغر علشان تستمد من طاقاتهم وأفكارهم
23..تستأنف الحاجات اللي سبتها من 20 سنة
24..مهتم بالشأن العام وعايز تغير الكون لمكان اجمل
25..احساسك بالتكاليف والتكتيف بسبب المسئوليات المادية
26..الانفصال عن الأسرة نفسيا أو بدنيا واحساسك انك متكتف معاهم
27..رغبتك في تعليم الآخرين ومساعدتهم
28..الرغبة في حياة ابسط واسهل
29..اجترار ذكريات الطفولة بكثرة
30..تلعب تاني لأجل اللعب والمتعة
31..تفضل تسأل نفسك هكمل حياتي ازاي ورايح فين
32..تدور على حلول جديدة للمشاكل
33...المرور  بحالات وخبرات وإحداث ضغط وتوتر شديدة  ممكن تكون العامل المؤثر نقلة منتصف العمر..تغيير الوظيفة..الطلاق...موت حد من المقربين..تعرض لحادث خطير...مرض شديد
34..بتعمل حاجات خطيرة تخلي الاخرين يقولوا انك مش على طبيعتك
35..حد يقولك..انت في أزمة