تقريبا مفيش كتاب مهتم بالعلاقات متكلمش عن اساليب التعلق attachment styles في العلاقات.
واللي مضمونها أننا كناضجين بنعيد نماذج التعلق بالوالدين اللي اكتسبناها في الطفولة المبكرة جدا...بنعيدها في العلاقات (سواء كانت صداقة او حب او زواج) لما بنكبر ...وبيكون لها تأثير كبير وخطير سواء في بداية العلاقة او مستوى الرضاء والسعادة فيها او في آلية حل المشاكل والتحديات او في الانفصال.
التعلق هو علاقة عاطفية عميقة جدا مع الوالدين هدفها تكوين قاعدة امان secure base ونقطة ثبات وانطلاق للطفل....الطفل بيحس فيها بالحب والحماية والدعم والقبول والتشجيع. ...وعلشان تكون قاعدة امان واطمئنان محتاجة انها تكون ثابتة و مستقرة ومستمرة ومتواجدة باستمرار و منتبهة و مستجيبة لما يحتاجه الطفل.
الاباء اللي بيقدموا ده بيكونوا نقطة ثبات وقاعدة انطلاق وأمان للطفل ومحطة امان يطمن لوجودها ويرجعلها لما يحتاج....وفي ظل وجودها ومع تشجيع الوالدين بيخرج بشجاعة وثقة يكتشف العالم ويعدي التحديات ويتعامل معاها...ويرجع يبين انتصاراته لوالديه علشان يستمد الفخر والاعجاب والتقدير....ولو اخفق يرجع يستمد الدعم والطبطبة ويسند راسه على كتفها.
نتيجة علاقة الطفل بوالديه وتعلقه بيكون تصورات عن نفسه وعن الاخرين وعن طبيعة العلاقة واشكالها ومساراتها.
هل هو يستحق القرب والحب والحماية والتشجيع والدعم اما لا...وبيكون نظرة ايجابية عن نفسه او نظرة سلبية.
هل الاخرون اهل للثقة...هل سيكونون مستجيبين. و منتبهين وداعمين ويقدموا لنا الحب والقبول والتقدير والدعم والحماية والتشجيع والسند....هل سيكونون متواجدين باستمرار ولا ممكن يرحلوا و يسيبونا ضايعين.
وبالتالي هل العلاقة مع الاخرين مجدية ولا غير مجدية.
التعلق مع الوالدين بيكون نماذج في جهازنا النفسي و بيكون اسطمبات وقواعد وقوالب هتستمر معانا في علاقاتنا اللاحقة و هيستمر النموذج ده حاكم علينا ومسيطر بايجابياته ونقاط ضعفه ومخاوفه. واللي من اشهرها:
احنا نستحق وجود اخرين في حياتنا ولا لأ....
نقرب من الناس وندخلهم في حياتنا ولا نتعامل من بعيد و نستخبى جوة اسوارنا وقلاعنا بعيد عنهم عشان منتئذيش لما يبعدوا و يسيبونا...
طب لو قررنا ندخل الناس في حياتنا ايه مدى الشروط وكميتها علشان نثق في الاخرين ونطمن ...ايه اللي محتاجينه منهم علشان نديهم الثقة ..علشان نطمن بيحبونا بجد و هيكونوا مستجيبين بجد و هيكونوا سند لينا و هيكونوا مستمرين ومش هيسيبونا؟
ايه اللي هيخلينا نخاف منهم ومنسلمش ونقلق… ونبعد.. شروط ده ومستواه ودرجته؟
هنقدر نعبر عن مشاعرنا ليهم ولا هنخاف من رفضهم...هنقدر نسمح لنفسنا نعتمد عليهم و نسيب نفسنا ليهم ولا هنخاف يخلو بينا و يسيبونا...هنقدر نسيب نفسنا للتواصل جسدي. ولا هنضطر نشيل جزء من مشاعرنا وتواصلنا على جنب تحسبا لغدر الزمان؟
هنقدر نعمل ميثاق ونقدر نلتزم بعلاقتنا باخلاص وبشكل حصري وانها مستمرة وباقية ولا هنخلينا خفاف و مندخلش بعمق تحسبا لعدم استمرار العلاقة؟
اول ما بنزعل بنقلق بشدة و نتوقع انهيار العلاقة ورحيل الآخرين ولا بنبقى متفائلين...وبنعمل ايه علشان نمنع رحيلهم...بنتعامل بثقة ونحل الخلاف...ولا بنتعلق بزيادة ونقرب ونقرب ..ولا بنتعامل بلا مبالاة وننسحب بسرعة ؟
هل احنا قادرين على كشف أنفسنا ومشاعرنا واسرارنا والقاء دروعنا والتخلص من اسوارنا وبنفتح قلبنا وبنسلم ولا لا وباي درجة؟
لما بيرحل الاخرون عنا سواء بشكل مؤقت او دائم بنعمل ايه؟
لما بنقابل مواقف صعبة في حياتنا بنتسند عليهم ونجري عليهم علشان يطمنونا ولا بنخاف ميقدروناش ولا ننسحب ونعتمد على نفسنا؟
بنعمل ايه في الغيرة والشكوك و نحلها ازاي؟
كل دي مخاوف ناتجة عن نماذج التعلق مع الوالدين..وكل واحد فينا عنده نموذج مسيطر عليه وبيحمل معاه مخاوفه المميزة وطريقة التعامل معها وبتأثر على علاقاتنا في مرحلة النضج سواء صداقة او حب او زواج.
وعلشان نتعامل معها ومنعدش تكرار وانتاج النماذج غير الفعالة...محتاجين نعرف نموذج التعلق والارتباط الخاص بينا ونفهمه ونفهم مخاوفه وآلياته وطريقة اصلاحها وتعديلها...وده محتاج كمان صبر وتدريب وطولة بال وان نكون محظوظين بما يكفي اننا ندخل علاقات تساعدنا على اصلاح نماذج التعلق غير الفعالة..سواء عبر علاقة صداقة اوحب او زواج او طبيب نفسي.
للحديث بقية
واللي مضمونها أننا كناضجين بنعيد نماذج التعلق بالوالدين اللي اكتسبناها في الطفولة المبكرة جدا...بنعيدها في العلاقات (سواء كانت صداقة او حب او زواج) لما بنكبر ...وبيكون لها تأثير كبير وخطير سواء في بداية العلاقة او مستوى الرضاء والسعادة فيها او في آلية حل المشاكل والتحديات او في الانفصال.
التعلق هو علاقة عاطفية عميقة جدا مع الوالدين هدفها تكوين قاعدة امان secure base ونقطة ثبات وانطلاق للطفل....الطفل بيحس فيها بالحب والحماية والدعم والقبول والتشجيع. ...وعلشان تكون قاعدة امان واطمئنان محتاجة انها تكون ثابتة و مستقرة ومستمرة ومتواجدة باستمرار و منتبهة و مستجيبة لما يحتاجه الطفل.
الاباء اللي بيقدموا ده بيكونوا نقطة ثبات وقاعدة انطلاق وأمان للطفل ومحطة امان يطمن لوجودها ويرجعلها لما يحتاج....وفي ظل وجودها ومع تشجيع الوالدين بيخرج بشجاعة وثقة يكتشف العالم ويعدي التحديات ويتعامل معاها...ويرجع يبين انتصاراته لوالديه علشان يستمد الفخر والاعجاب والتقدير....ولو اخفق يرجع يستمد الدعم والطبطبة ويسند راسه على كتفها.
نتيجة علاقة الطفل بوالديه وتعلقه بيكون تصورات عن نفسه وعن الاخرين وعن طبيعة العلاقة واشكالها ومساراتها.
هل هو يستحق القرب والحب والحماية والتشجيع والدعم اما لا...وبيكون نظرة ايجابية عن نفسه او نظرة سلبية.
هل الاخرون اهل للثقة...هل سيكونون مستجيبين. و منتبهين وداعمين ويقدموا لنا الحب والقبول والتقدير والدعم والحماية والتشجيع والسند....هل سيكونون متواجدين باستمرار ولا ممكن يرحلوا و يسيبونا ضايعين.
وبالتالي هل العلاقة مع الاخرين مجدية ولا غير مجدية.
التعلق مع الوالدين بيكون نماذج في جهازنا النفسي و بيكون اسطمبات وقواعد وقوالب هتستمر معانا في علاقاتنا اللاحقة و هيستمر النموذج ده حاكم علينا ومسيطر بايجابياته ونقاط ضعفه ومخاوفه. واللي من اشهرها:
احنا نستحق وجود اخرين في حياتنا ولا لأ....
نقرب من الناس وندخلهم في حياتنا ولا نتعامل من بعيد و نستخبى جوة اسوارنا وقلاعنا بعيد عنهم عشان منتئذيش لما يبعدوا و يسيبونا...
طب لو قررنا ندخل الناس في حياتنا ايه مدى الشروط وكميتها علشان نثق في الاخرين ونطمن ...ايه اللي محتاجينه منهم علشان نديهم الثقة ..علشان نطمن بيحبونا بجد و هيكونوا مستجيبين بجد و هيكونوا سند لينا و هيكونوا مستمرين ومش هيسيبونا؟
ايه اللي هيخلينا نخاف منهم ومنسلمش ونقلق… ونبعد.. شروط ده ومستواه ودرجته؟
هنقدر نعبر عن مشاعرنا ليهم ولا هنخاف من رفضهم...هنقدر نسمح لنفسنا نعتمد عليهم و نسيب نفسنا ليهم ولا هنخاف يخلو بينا و يسيبونا...هنقدر نسيب نفسنا للتواصل جسدي. ولا هنضطر نشيل جزء من مشاعرنا وتواصلنا على جنب تحسبا لغدر الزمان؟
هنقدر نعمل ميثاق ونقدر نلتزم بعلاقتنا باخلاص وبشكل حصري وانها مستمرة وباقية ولا هنخلينا خفاف و مندخلش بعمق تحسبا لعدم استمرار العلاقة؟
اول ما بنزعل بنقلق بشدة و نتوقع انهيار العلاقة ورحيل الآخرين ولا بنبقى متفائلين...وبنعمل ايه علشان نمنع رحيلهم...بنتعامل بثقة ونحل الخلاف...ولا بنتعلق بزيادة ونقرب ونقرب ..ولا بنتعامل بلا مبالاة وننسحب بسرعة ؟
هل احنا قادرين على كشف أنفسنا ومشاعرنا واسرارنا والقاء دروعنا والتخلص من اسوارنا وبنفتح قلبنا وبنسلم ولا لا وباي درجة؟
لما بيرحل الاخرون عنا سواء بشكل مؤقت او دائم بنعمل ايه؟
لما بنقابل مواقف صعبة في حياتنا بنتسند عليهم ونجري عليهم علشان يطمنونا ولا بنخاف ميقدروناش ولا ننسحب ونعتمد على نفسنا؟
بنعمل ايه في الغيرة والشكوك و نحلها ازاي؟
كل دي مخاوف ناتجة عن نماذج التعلق مع الوالدين..وكل واحد فينا عنده نموذج مسيطر عليه وبيحمل معاه مخاوفه المميزة وطريقة التعامل معها وبتأثر على علاقاتنا في مرحلة النضج سواء صداقة او حب او زواج.
وعلشان نتعامل معها ومنعدش تكرار وانتاج النماذج غير الفعالة...محتاجين نعرف نموذج التعلق والارتباط الخاص بينا ونفهمه ونفهم مخاوفه وآلياته وطريقة اصلاحها وتعديلها...وده محتاج كمان صبر وتدريب وطولة بال وان نكون محظوظين بما يكفي اننا ندخل علاقات تساعدنا على اصلاح نماذج التعلق غير الفعالة..سواء عبر علاقة صداقة اوحب او زواج او طبيب نفسي.
للحديث بقية
تعليقات
إرسال تعليق