المخاوف مش حاجة وحشة بالعكس ربما درجة بسيطة منها مهمة وضرورية علشان الانسان يتقدم في حياته
المشكلة بتيجي من المخاوف الزائد عن الحد واللي بتسبب في مشاكل وسلوكيات غير صحية لصاحبها او الاخرين
المرأة اكثر قلقا وتوترا وخوفا من الرجل..ببساطة ضعفها الجسماني وطبيعتها الجنسية وظروف المجتمع تجعلها في وضع اقل من الرجل نفسيا وبالتالي اكثر خوفا
لو بتدور على امراءة بدون مخاوف فانت بتدور على المستحيل...درجات بسيطة ومقبولة من المخاوف يمكن التعامل معها
كل شخص محتاج ان يعرف مخاوفه (شياطينه الداخلية) ويفهمها ويتبع اجراءات علاجها والتعامل معها
والطرف الاخر يجب عليه فهم المخاوف وتقرير اما الاستمرار او البعد (في العادة الرجال يتجنبون المرأة ذات المخاوف الكثيرة ودي نفسها احد مخاوف المرأة ) ...ولو قرر الاستمرار فعليه دور في فهم المعني خلف المخاوف والتعامل معها واستيعابها بحيث يساعد الطرف الاخر ونفسه والعلاقة نفسها
المخاوف بالشكل المذكور في البوست السابق هي في الصورة الشديدة والواضحة ولكن هناك درجات اقل من كدة...ولكن حتى مع الدرجات الاقل ما دامت ازيد من الدرجة الطبيعية هتظهر معاها المشاكل
كل واحد مسئول عن نفسه ومخاوفة...لو محاولش هو يحلها مين هيحلها....دور الاخر لو قبل بها ان يستوعبها ويطمن صاحبها مش انه يحلها ولا يتحمل الضغوطات الناتجة عن السلوكيات بتاعتها..ولو اتحمل يبقى في اطار مساعدة الاخر لتصحيح مخاوفه
.العلاج الاساسي..اولا معالجة السلوكيات المنحرفة واللي بتسبب ضغط على الاخر وترهقه وتجعله في كثير من الاوقات يهرب او يتجنب او لا يقدم المساعدة
ثانيا معالجة اصول المخاوف وفهمها وده دور المراة نفسها وبمساعدة زوجها
قبل الزواج سواء صالونات او قصة حب ذاكروا المخاوف وطرق اكتشافها ودرجتها فيكم وفي الاخرين وخدوا وقتكم....المخاوف هي اصل اغلب المشاكل والحياة هتبقى صعبة لو متعالجتش بدري بدري
خدوا كورسات محترمة واقروا كتب صح..اللي بيشتري موبايل بيذاكر...فمابالك بحياة ممكن تستمر العمر كله وهتاثر عليكم وعلى اولادكم وعلى احفادكم كمان...ذاكروا كويس
وانتم بتفهموا الاخر ولقيتم عنده مخاوف عادي كلنا عندنا مخاوف بس لو المخاوف كتيرة او زائدة عن الحد ومعندكومش استعداد لتحملها..ابعدوا احسن
لو قبلتم الاستمرار..او في وضع اكتشفتم انكم مجبرين على الاستمرار.(اكتشفتم ده وانتم متجوزين) ..هنا محتاجين مجهود كبير ..محتاجين نعمل اقصى ما عندنا لاصلاح الامور والحلول واضحه...اولها وضع حدود لتأثير سلوكيات الاخر الغير منطقية عليكم...وايه المقبول وايه غير المقبول..مع وضع مساحة للتحمل والتسامح....ومساعدة الاخر يصلح عيوبه ومخاوفه المبالغ فيها....محدش داخل الزواج علشان يتمرمط
لو الاخر معاند ومش شايف مشاكله. ولا تأثير مخاوفه...قدامكك حل من اتنين حسب ظروفكم وظروف اولادكم...اما الرحيل النفسي والجسدي...او النفسي فقط...وتقليل تاثيرات الاخر للحدود الدنيا عليكم وعلى الاولاد حتى تتغير الظروف..وتقليل الاحتكاك مع صاحب المخاوف المبالغ فيها وتركه لنفسه دون محاولة تصحيح
تعليقات
إرسال تعليق