هل الرجالة عندها مخاوف؟
طبعا بس مبتقولش ولا بتشتكي زي السيدات
ببساطة لان المجتمع بشكل عام بيرفض ان الرجل يحكي عن مخاوفه...والسيدات بشكل خاص بترى ان الرجل اللي عنده مخاوف مش قد كدة...هي اصلا خايفة فازاي هتعتمد على رجل خايف
1..خايف ميكونش قد المسئولية...مش مالي عين الست بتاعته...قليل...مش كافي
انه مكفيها وباسطها
لو الرجل حس انه مش مكفيها او باسطها بتصيبه الشكوك في نفسه بما فيها الشكوك الجنسية..والشكوك دي بتفسد حياته وحياتها والعلاقة ككل
ممكن مخاوف الرجل تكون حقيقية بسبب حاجة جواه
وممكن تكون طارئة بسبب العلاقة المضطربة اللي كلها مشاكل
وممكن تكون محدثة بسبب تلاعبات بعض السيدات اللي عارفة ان اي رجل عنده المخاوف دي وبالتالي بتستغلها وتغذيها كنوع من التلاعب للتحكم به والسيطرة عليه...
وكقاعدة التلاعب باي مخاوف من اي نوع سلوك مش صحي ومش حكيم وسلو مؤذي ..ومن يتلاعب بمخاوف الاخرين في الاصل شخص لديه مخاوفه الخاصة يعالجها بطريقة غير سليمة عن طريق الاخرين ويستخدم الاخرين كاداة وفقط
مخاوف الرجل من النوع ده شاملة حاجات كتير ولكن الاخص قدرته الجنسية ومش عجيب اهتمام الرجل وقلقه الشديد من اي مشكلة تخص هذا الموضوع او اي شك..والجملة المشهورة المسموعة منهم انا خايف مراتي متشوفنيش راجل او انا عيني مكسورة قدام مراتي
2..الرجل ايضا يخاف ان يفقد المراة التي يحبها
بناء على خوفه من عدم الكفاية بينشأ خوف الفقدان...والفقدان عن طريق الهجر...هجر الزوجة له..او عن طريق خيانتها لها...لما ثقة الرجل بتهتز في نفسه ..هيسلك طريق الخوف باكمله..وهنشوف التعلق والتحكم والسيطرة والغيرة الشديدة
في مواجه الخوف ده..الرجل بيختار اما ان يكون سلبي ومتردد (ضعيف)...او متملك ومهووس بالتحكمات والسيطرة...او الاتنين مع بعض او يخش في دورات متتالية سلبي ومتردد ثم مهووس ومتحكم ومستبد وهكذا
يعني لما الست تشتكي من سلبية الرجل او تحكماته او غيرته تفهم انه واقع تحت تاثير المخاوف من الفقد واللي جزء منها واقع تحت مخاوف انه مش كفاية ..راجع نمرا واحد
3..الرجل يخاف ان يفقد تقدير زوجته واحترامها ويريد اعترافها به....تشوفه كبير ومالي عينها ومشبعها
تشوفه حلو وكفء ومالي مركزه
وخايف ميكنش كدة
وبالتالي هيلقى متطلب وعايز زوجته تتصرف بطريقة معينة وتحافظ على برستيجه وشكله ومنظره قدام نفسه وقدام الناس...وسواء طلب ده بطريقة غير مباشرة او طريقة حادة وعدوانية
4..الرجل بيخاف من المشاعر وبيهرب منها بسبب التربية..بيخاف يبكي او يعبر. وبيعمل مسافة كبيرة وحواجز..بيعتبرها ضعف..وهو اصلا مش عايز يبان ضعيف...وبالتالي مبيعرفش طريقة للتعامل مع مشاعره غير يكتمها
ومن مشاكل ده انه مبيعرفش يعبر...ومشاكل انه مبيقولش كلام حلو
وما بيشتكيش ومشاكل انه مبيشركنيش في مشاكله
وبيخزن لانه بيكتم مشاعره اول باول
والمشكلة الاهم انه مبيعرفش يتعامل مع مشاعر زوجته..هو اصلا مبيفهمش غيى مشكلة الكتمان..وبينزعج جدا من المشاعر...فلما تكون زوجته انفعالية ولو خاصة بزيادة او متقلبة المشاعر..انت رميته في المحيط..مشكلة اكبر من استيعابه..وكمان ميعرفلهاش حل الا الكتمان فهيوصف ده بالزن والقرف والنكد وهابحاول يهرب من المواقف دي وينهيها باي طريقة
5..اهم مخاوف الرجل مرتبطة بفحولته الجنسية...علشان كدة اي شك او مشكلة بالنسبة للرجل في الموضوع ده بيعمل مشاكل كنير جدا
كل الرجال عندهم مخاوف وبعضهم درجته شديدة وزيادة عن الازوم
المخاوف مفيدة احيان بالدرجة المعقولة وبالطريقة الصحيحة..ومضرة بالدرجة الزائدة والنتايج الخاطئة
وعلاجها من ناحيتين..من الشخص وفهمه ليها ودورها وتأثيرها وحلها من جانبه...ومن الطرف الاخر تفهمها ومعرفة تاثيرها ومساعدة الزوج وطمانته وعدم استفزاز المخاوف او استغلالها
تعليقات
إرسال تعليق