ولاننا عندنا محاوف..وعندنا احتياجات عايزين نشبعها ومصادر الاشباع في الخارج ..بالتالي بنخاف اكتر...بنخاف من خوفنا..وبنخاف منعرفش نشبع احتياجاتنا...وبنخاف اننا نتمنع من الاشباع ده ويتم التحكم فينا او يتم حجز مصادر اشباعاتنا بنلجأ لوسائل كتير
بنلجا للتامين والحماية ونقفل على نفسنا
وعلشان نطمن اكتر بنحتتج نقفل على العالم ونحدده ونخليه مفهوم وروتيني وواضح.
وعلشان نعمل ده محتاجين نسيطر ونخضع العالم لينا
وعلشان نسيطر محتاجين سلطة وقوة تساعدنا على فرض رؤيتنا وقراراتنا واختياراتنا على الاخرين والمحيطين
احد مميزات السلطة انها بتوفر لينا القدرة على التحكم في الاخرين وفرض نفسنا عليهم....والميزة الثانية انها بتدينا الحرية والاستقلالية نعمل اللي على مزاجنا ومحدش يقدر يحددنا ولا يفرض سيطرته علينا
والسلطة والقوة انواع
منها امتلاك مصادر اشباعات الاخرين...واحتكارها
منها اليات الثواب والعقاب..العصاو الجذرة
والاتنين دول مش لازم يكونوا حاجات كبيرة وان كانت قوتك بتتحدد بحجم ومدى اللي تقدر تعمله
بس مجرد مدح وكلمة حلوة ممكن يكون تحكم وسلطة...مجرد منعهم او النبذ والذم تحكم
انك تقدم للاخر حاجة حلوة وتمنعها عنه تحكم...
احنا كل يوم بنمارس ده باشكال مختلفة واحيانا بنحاول نحتكر ده كمان...زي اللي عابزك متصاحبش حد غيره
من امثلة القوة والسلطة البلطجة والقوة العضلية وسلطة التخويف والتهديد....
منها كمان التلاعب والمكر واللؤم والكذب والخداعة والالعيب العقلية والنفسية.
منها سلطة القانون
السلطة الاخلاقية
السلطة الدينية
السلطة المجتمعية والعرفية
السلطة المعرفية
سلطة الخبرة
سلطة المال
سلطة المكانة
سلطة الانجاز
الوظيفة
اي شئ يمكنه التحكم والسيطرة يعتبر سلطة وقوة
وانت قوي بقدر ما تحتكر السلطة وبقدر تفعيلها على الارض ومداها
كلنا كدة
شهوة السلطة..لما تكون الرغبة عارمة وحصرية للوصول لها وممارستها...والشهوة بتزيد بقدر الاحتياج..والاحتياجين اللي خلفها...الحاجة للامان والاستقلالية
والاتنين دافعهم الخوف
المتطرف خايف..والمتعصب خايف...والمستبد خايف..والمتعجرف والمتكبر خايف...والمهوس بالسيطرة خايف...والمتكلف خايف...والنمكي خايف...والبلطجي خايف..والعنيد خايف...
تعليقات
إرسال تعليق