في الاصل احنا طول الوقت معندناس مشكلة في احساسنا ان احنا مسيطرين على حياتنا او مصيرنا ...اصلا مبتجيش الكلمة على بالنا الا نادرا...لكن فجأة بنكتشف احتياجنا ده لما بنفقد السيطرة
بنمرض..بنتحط في موقف مصيرنا في ايد غيرنا...سايقين وفجاة الكوتش فرقع...الخ
وقتها بنحس بقيمة السيطرة لاننا بنبقى في حالة ضعف وعجز وخوف...وبنعمل حاجات بزيادة علشان نسترجع السيطرة ده...بنثق في اطباء وادوية...بندعو الله ونصلي ونؤمن بحكمته..بنحاول احنا نسترجعها بنفسنا..ننتبه ونتحفظ ونمسك عجلة القيادة بايدينا الاتنين..وندي كلاكسات واوامر وتوجيهات.
في الوضع الطبيعي بنعمل دول من غير ما نحس...سايقين او راكبين اسانسير او بنشتغل..بنعمل ده باريحية وباسترخاء لاننا متحكمين في اللي نقدر عليه...وسايبن الباقي اللي منقدرش عليه للثقة الطبيعية في عمل الاشياء في طبيعة الامور في الاخرين في القدر في الله. ومبنشغلش بالنا بده
اللي عنده مشكلة مزمنة مع التحكم الزائد والرغبة في السيطرة على كل شئ ما ظهر وما وما بطن...عنده احساسه بالخوف والضعف والعجز مزمنين....مش لان الامور في الخارج فوضوية ومرعبة...احاسيسه الداخلية هي اللي في حالة فوضى ورعب..وعلشان كدة متبت ومتشبس في كل حاجة طول الوقت
التحكم الزائد والهوس بالسيطرة مش اضطراب نفسي..هو بس سلوك غير فعال لمواجهة الخوف والضعف..وافكار مغلوطة وغير واقعية عن امكانية التحكم في المحيطين...وتصور مبالغ فيه للقدرة ابشخصية وتجاهل للمحدودية الانسانية
العرض ده درجات..وبيعمل مشاكل في كل درجاته...ولكنه في الحالات المتطرفة ممكن يكون عرض لاضطرابات نفسية اخرى اشهرهم اضطراب الشخصيةةالوسواسية او النرجسية او السيكوباتية
جوهرهم الخوف..وعدم الثقة..وعدم تمييز الحدود (حدودي وحدود الاخرين).
الموسوس خايف وبالتالي عايز كل حاجة محددة وواضحة ومنظمة وفي مكانها..اي انحراف بيرجعه لمكانه
والنرجسي شايف نفسه احسن من الكل ومن حقه يتأمر ويتسلط وبيتعدى حدوده الشخصية ويقتحم حدود الاخرين
والسيكوباتي عايز يتحكم في الاخرين ويسيطر عليهم علشان مصلحته
او سلوكيات هي ميراث الطفولة
طفل نشأ في بيئة استبدادية اب او ام مسيطرين ومتسلطين...ممكن يطلع زيهم
او طفل عاش واقع عكس كدة تماما..بيئة شديدة الفوضى وعدم الاستقرار ومخاوف..فاتعلم يتحكم ويسيطر علشان يعرف يعيش
ايا كان...التحكم الزائد والهوس بالسيطرة والمريسة واعطاء الاوامر والتوجيهات مشكلة صاحبها...هو معذزر فعلا..ولكنه تظل مشكلته...واغلب المواقف اللي بيتم فيها الاصطدام معه هو مش قاصد يهين اللي قدامه ولا حتى يقصده بشخصه...هو بيجاوب على سؤال مخيف جواه ودي طريقته...اينعم طريقة مش صحية..بس طريقته اللي مش عارف يتعلم غيرها
الاهم متكونش انت متحكم...وفي التعامل مع المتحكمين انك تعرف انك بس وفقط في مقعد السائق لحياتك...وانك لو حبيت تتخلى عن مقعد القيادة فده بارادتك الحرة وبشروطك وفي ظل موائمة ما
وللحديث بقية
تعليقات
إرسال تعليق