وجود علامة او اتنين او درجات بسيطة عادي ..وجود علامات كتير او درجات شديدة فغالبا العلاقة هتبقى صعبة وسامة...
1..التحفز والدفاعية
المرأة او الرجل الاكثر قلقا وخوفا هم الاكثر تحفزا ودفاعية...اي همسه ...يتم اعتبارها نقدا موجها اليهم...يتبعها القفز الى الاستنتاج ان الطرف الاخر اكيد عارف وقاصد اللي بيقوله..
ربما الطرف الاخر قصده حاجة بعيدة وعادية لكن هم هيشوفوها انه بيعلق مباشرة عليهم وبينتقد عيوبهم
وهنشوف اتهامات وشكاوى على حاجات متقالتش وقراءة ما بين السطور والتفتيش عن النيات
2..التحكمات والتسلط والهوس بالسيطرة
العلاقة
العلاقة الصحية محتاة ضبط للسلطة والقوة والسيطرة بين الزوجين ..والافضل تساوي السيطرة
لما طرف يزيد تحكمه وسيطرته على الاخر ..الطرف اللي بيتمارس عليه السيطرة هيعاني...ورغم ان الاتنين ممكن يبقى عندهم هوس للسيطؤة الا ان المرأة هي الاكثر قلقا وخوفا واكثر ميلا لممارسة التحكم والسيطرة بشكل مفرط قد يصل احبانا الى الديكتاتورية والطغيان والاستبداد..وهتحاول عمل كل شئ بطريقتها ولصالحها فقط...وبالتالي سيتعرض الزوج للمعاناة والكثير من المشاكل...والموضوع ده خطير والنصايح الكثيرة للرجال بتدعو الى تجنب هذا النوع من النساء (نفس النصيحة للنساء ايضا) ...لكن معاناة الرجل مع سيدة مستبدة اخطر من معاناة المراة مع رجل مستبد لاسباب كتيرة
3..الغيرة الشديدة
في العصر الحالي...التعامل مع الجنس الاخر لا مفر منه وضروري جدا ولا غنى عنه...هتتعامل هتتعامل
في شغلك في حياتك في الشارع حتى ولو مش عايز
لو هناك شريك حياة بيتضايق مع اي لمحة تعامل مع الجنس الاخر ويدخل في نوبات غضب وتهدبد ويعمل خناقة فغالبا عنده مشكلة خطيرة...
اي حد ناضج عارف الحقيقة التالية..ان التعامل مع الجنس الاخر امر لا يمكن تجنبه وقد يكون ضروري..
لو طرف اصبح غيورا وعصبيا عن تعامل الشريك مع الجنس الاخر حتى ولو لاسباب مهمة فلديه مشكلة اكبر من كونها مخاوف عادية او زائدة عن الحد
وهذا النوع من الصعب التعامل معه وسيجد الشريك نفسه طول اليوم بيقنع الطرف الغيور ويشرح له انه مبيخونش وانها محادثة عادية...دون جدوى...
وللاسف يتبع الغيرة سلوكيات عديدة منها التفتيش والمراقبة والتحكمات الشديدة جدا في التعامل والتصرف.....واي حركة من الممكن تفسيرها انها دليل خيانة
4..عادة التحقير من الاخرين.
الكتير من النصايح بتقول انه لا يوجد اسوء من تضيع الوقت في مجالسة حد شايف انه احسن من غيره وبيحتقر اي حد تاني....
من لديهم مخاوف لديهم عادة احتقار والتقليل من شأن كل من حولهم بما فيهم شريك حياتهم...في نفس الوقت دائمين المديح لانفسهم......وللاسف بدلا من الحصول على الراحة والسلام..ستتحول الحياة الى مزيد من الضغوط
في الزواج و بشكل لا واعي بيحسوا بمشكلة وعدم الثقة..وانهم مش عارفين ليه الطرف الاخر بيحبهم واختارهم. وبالتالي الحل مهاجمة الطرف الاخر وتكسير ثقته بنفسه لانه بالطريقة دي تقدر تخليه معتمد عليها
وكانههم بيربطوهم ويكتفوهم بخيوط نفسية
5....المبالغة في ردود الافعال
الخائفين بيبالغوا في ردود افعالهم مع اهون شئ واتفه سبب...الانسان العادي بيعرف ينظم ردود افعاله لتناسب كل حدث..لكن دول بيعملوا من الحبة قبة..وبيعملوا مشكلة من لا مشكلة...حتى ما يمكن تجاهله لا يتم تجاهله ويتم تحويله الى مشكلة كبيرة
كل حاجة مبالغ فيها وكلها دراما..
6..عدم التسامح
مبينسوش اي غلط ومبيسامحوش ابدا
من المفيد والصحي والطبيعي ايضا ان الناس تنسى غلطات بعض وتتسامح فيها...تنسى بجد...
اللي بيشيل ضغائن وكأنه بيشيل سلاح يبتز به الطرف الاخر مهما فعل...انت نسيت انت عملت ايه وسويت ايه...مهما عملت مش هنسى اللي عملته فيا. ولا اسامحك.....او طريقة تانية..انتى ناسي اللي عملته فيه ومع ذلك سامحتك وعديت الامور..
الطريقة دي بتديهم احساس انهم الافضل والاحسن في العلاقة. بس تحت الاحساس ده احساس اعمق بانهم مليانين بالمخاوف والعيوب
ومع الحساسية للنقد وعدم النسيان والتسامح والمبالغة في رد الفعل ..الشريك بيحس انه ماشي على اعصابه.. على شوك على طراطيف صوابعه وهو بيتعامل مع النوع ده ومش عارف مفاتيحه وقلقان من كل حاجة
خايف يغلط وعارف ان الاخر مش هيسامح
ببساطة النوع ده ميعرفش يدي حب غير مشروط....
7.. لوم الاخرين والشكوى
كل مشكلة او مصيبة يبقى الاخرون هم السبب ولو مفيش اخرين يبقى السحر او الحسد او الجن الازرق المهم حد يشيل المسئولية...ان مش مسئول عن اي خطأ..
والطريقة دي من الانكار والاسقاط مشهورة علشان يحسوا انهم احسن من غيرهم..كل مشكلة هي مشكلة حد اخر
النوع ده مش قادر يشوف نفسه ..ببساطة لو شاف نفسه وضعفها وعيوبها ومحدوديتها مش هيقدر يستحمل ولا يعترف به...لانه وقتها هيبقى ملزم يغيره.
في اللاوعي النوع ده عارف انه عنده عيوب بس مش عارف يعترف بيها والحل انه ينكرها ..يرميها على حد تاني
والنتيجة الاستمرار في نفس الاخطاء وعدم القدرة على التعلم
8..طول الوقت محتاجين دعم وتوكيد ومديح وتطمين علشان يحسوا بقيمتهم...ومع ان النوع ده بيقلل من قيمة الشريك ويحط من قدره في نفس الوقت محتاج منه كل ده وانه يرفع قدره..ويمدحه. ويقول له كلام حلو باستمرار
احساسهم بذاتهم مرتبط باراء واحكام الناس حولهم....ومعندهمش او عندهم مصدر داخلي شحيح للرضا والتقدير
محتاجين يسمعوا كلام حلو باستمرار وانهم مرغوبين وده بيخليهم متعلقين ومتطلبين بشكل كبير..ومع الوقت بيقى نوع من الاستنزاف والارهاق
9..اشعار الطرف الاخر بالذنب باستمرار
بيبقوا عايزين يربطوا الطرف الاخر دايما بيهم ويخلوه حصري..وافضل طريقة إشعاره بالذنب...انه مقصر انه مش كفاية الخ
وكمان بيلجئوا لوضع حواجز بين الطرف الاخر و اصدقاءه واسرته ومعارفه واي شئ اخر علشان يتم محاصرته...واشهر طريقة التخيير...يا أنا يا هم
10..بصعوبة تقدر تعمل حوار عقلاني او امين مع صاحب المخاوف الشديدة
العلاقات مرآه بتعكسنا بمميزاتنا وعيوبنا...بعد فترة الحب الوردية الناس بتشوف حقيقة بعض وبالتالي عيوب بعض
علشان العلاقات تعيش محتاجة احيانا بعض المصارحة والوضوح والمكاشفة...
من الوصفات لده ان الشخص يبقى عارف عيوبه كويس ومحددها
الشخص غير الامن غير قادر على معرفة عيوبه وغير قابل لاي نقد بناء واي طريقة لاصلاحها وبالتالي لا تستطيع اقامة حوار عقلاني وامين
تعليقات
إرسال تعليق